Все молитвы святителю Иоанну Златоусту, архиепископу Константинопольскому

Память: 27 января / 9 февраля, 30 января / 12 февраля (Собор Вселенских учителей), 14 сентября / 27 сентября, 13 ноября / 26 ноября

Святитель Иоанн Златоуст - величайший и самый творчески плодовитый христианский богословов, апологет, нравоучитель, библейский толкователь и гимнограф. Находясь на Константинопольской кафедре, не только проповедовал слово Божие и защищал от еретиков Православие, но и прямо обличал пороки общества и власть имущих. За что по доносам и гневу императрицы Феодосии, нечестивому собору ряда архиереев был приговорен к смерти, но потом сослан в Армению.

Святитель Иоанн Златоуст небесный покровитель ученых, всех церковнослужителей, богословов, апологетов, миссионеров. Святителю Иоанну молятся об укреплении веры, в том числе и при гонениях, даровании молитвенности, разумения веры и Священного Писания, об обращении иноверцев, сектантов и раскольников. К его помощи прибегают при душевных недугах, в состоянии отчаяния и мыслях о самоубийстве.

Тропарь Иоанну Златоусту, архиепископу Константинопольскому, глас 8

Уст твоих, яко же светлость огня возсиявши, благодать вселенную просвети: несребролюбия мирови сокровища сниска, высоту нам смиренномудрия показа, но, твоими словесы наказуя, отче Иоанне Златоусте, моли Слова Христа Бога спастися душам нашим.

Тропарь Собору Вселенских учителей и святителей Василию Великому, Григорию Богослову и Иоанну Златоустому, глас 4

Яко апостолов единонравнии и вселенныя учителие, Владыку всех молите мир вселенней даровати и душам нашим велию милость.

Кондак Иоанну Златоусту, архиепископу Константинопольскому глас 6

От Небес приял еси Божественную благодать и твоими устнами вся учиши покланятися в Троице Единому Богу, Иоанне Златоусте всеблаженне, преподобне, достойно хвалим тя: еси бо наставник, яко Божественная являя.

Кондак в день перенесения мощей святителя Иоанн Златоуста, глас 1

Возвеселися таинственно честная Церковь возвращением честных твоих мощей и, сия сокрывши яко злато многоцветное, поющим тя неоскудно подавает молитвами твоими исцелений благодать, Иоанне Златоусте.

Молитва первая святителю Иоанну Златоустому, архиепископу Константинопольскому

О святителю великий Иоанне Златоусте! Многая и различная дарования от Господа приял еси и, яко раб благий и верный, вся данная тебе таланты добре умножил еси: сего ради воистинну вселенский учитель был еси, яко всяк возраст и всяко знание от тебе поучается. Ты еси отроком - послушания образ, юным - целомудрия светило, мужем - трудолюбия наставник, старым - незлобия учитель, иноком - воздержания правило, молящимся - вождь от Бога вдохновенный, мудрости ищущим - ума просветитель, витиям доброглаголивым - слова живаго источник неисчерпаемый, благотворящим - милосердия звезда, начальствующим правления мудраго образ, правды ревнителям - дерзновения вдохновитель, правды ради гонимым - терпения наставник: всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования во единем лице твоем воедино совокупил еси, и туюжде любовь, разделенная примиряющую, в толковании словес апостольских всем верным проповедал еси. Мы же грешнии, по единому кийждо свое дарование имуще, единения духа в союзе мира не имамы, бываем тщеславни, друг друга раздражающе, друг другу завидяще: сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всякую гордость и зависть, нас раздирающия, да во мнозех удех едино тело церковное будем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.

Молитва вторая святителю Иоанну Златоустому, архиепископу Константинопольскому

О святителю великий Иоанне Златоусте! Многая и различная дарования от Господа приял еси и, яко раб благий и верный, вся данныя тебе таланты добре умножил еси, сего ради воистину вселенский учитель был еси, яко всяк возраст и всяко звание от тебе поучается. Мы же, грешнии (имена), по единому кийждо свое дарование имуще, единения духа в союзе мира не имамы, но бываем тщеславии, друг друга раздражающе, друг другу завидяще; сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку злобу, недоброжелательство, гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно, и во веки веков. Аминь.